Vetlemyrane
Me som bur på Vetlemyrane.
Vertskapet Liv og Even
bur fast i hovudhuset i tunet saman med tre av dei fire borna, Torstein
(f. 1989), Johannes (f. 1993) og Astri (f. 1997) Eldste guten, Knut
Endre (f. 1986) studerar og bur på hybel i Bergen, og er berre heime
nokre helgar og i feriane.
Tunet på Vetlemyrane ligg fritt og fint ca 180 moh. Frå tunet er det
flott utsikt mot fjella i Fyksesundet, og mot sørvest ser me eitt gløtt
av fjorden og fjella ytst i Hardangerfjorden.
Tunet vårt vart bygt opp i løpet av 2005 og 2006, på den plassen me
alltid har kalt Hagen på Vetlemyrane. Tidlegare hadde me hus og løe midt
i Øystese sentrum. Stabburet, Gamlestovo og Sveitserhuset er alle gamle
tømra hus som er flytta frå Øystese. I hagen stod det opprinneleg berre
ein gamal vårflor.
Garden, ein husmannsplass frå 1650, har vore dreve av Even sin familie
sidan tippoldefar hans fekk bygsel på plassen i 1866. Han dyrka mykje av
jorda rundt tunet vårt, og hadde tre kyr.
I fjøset
Me har 50 vinterfôra sauer som lammar i tida frå ca 20. april til 10.
mai. I denne tida er det heile tida mykje som skjer i fjøset. Frå midten
av juni til midten av september er sauene i fjellet. Då treffer vi dem
ofte på i nærleiken av ein av stølane, og me er ofte ein tur for å se
etter dei. Om sommaren har me også alltid nokre sauer og lam som går
heime. Då har me også hatt kalkunar.
Gjeterhunden vår Hera er til god hjelp når vi sankar sauene om hausten,
eller når me flytter dei til nye beite.
Blakken er ein stødig fjording. Me nyttar han mest som ridehest, og det
er Liv og Astri som
er dei ivrigaste ryttarane. Har du lyst på ein
ridetur, kan me ordna det.